O poema, Manuel María

Um poema é um ser vivo que anda,

respira, sonha, chora, salouca,

ama, berra, cintila e escurece,

cala, aborrece a mentira,

sente ódio e ternura, dessangra-se,

fala de intimidade e intimidade

coas cousas e coa gente, sugere

mundos possíveis e impossíveis,

sua, cansa, sofre sede e fame,

adoece, agoniza. E nunca morre.

Manuel María. 
 

Manuel María. Voz de Manuel María

Manuel María, O POVO que deixa perder a sua palabra

 O POBO que deixa perder a sua palabra
creada, herdada, usada, revelada,
aquela que lle é propia e singular,
a que é unicamente sua,
está empobrecendo ó mundo
e perpetrando o seu propio xenocidio. Ese pobo vil
ollará aniquilada a sua lembranza
e o seu nome indigno
borrárase, sen máis, do universo:
hai agresións á beleza e ó espírito
que a vida non tolera nen perdoa.


MANUEL MARÍA

Neste día, 17 de Maio, ben está recordar as palabras do poeta para que estes vaticinios non se cumpran e poidamos gozar de moitas máis  primaveras na nosa lingua.  

 
  A voz do poeta Manuel María